منتدى إجتماعى يهتم بأخبار العاملين ولايتبع إدارة الشركة
أهلا وسهلا زائرنا العزيز ,
مع تمنيتنا بوقت سعيد والاستفادة , كما نرحب بانضمامك الينا .
المواضيع الأخيرة
» تزويرات الطبيه مع مدام بهية
السبت مايو 09, 2015 10:55 pm من طرف الماجد

» م/على فرج
الثلاثاء فبراير 03, 2015 11:54 am من طرف م.السيد محمد أحمد هندي

» افراح شركتنا
الثلاثاء فبراير 03, 2015 11:27 am من طرف م.السيد محمد أحمد هندي

» تعظيم سلام
الثلاثاء فبراير 03, 2015 11:21 am من طرف م.السيد محمد أحمد هندي

» بلاغات للسيد رئيس مجلس الادارة و البشمهندس/ الشافعى
الثلاثاء فبراير 03, 2015 10:58 am من طرف م.السيد محمد أحمد هندي

» البقاء لله وسبحان من له الدوام
الثلاثاء فبراير 03, 2015 10:55 am من طرف م.السيد محمد أحمد هندي

» الحقونااااااااااااااااااااااااااا
الأربعاء أكتوبر 30, 2013 8:02 pm من طرف مرزوق الكوتش

» حرام كفايه
الأربعاء أكتوبر 16, 2013 4:39 pm من طرف صابر الرباعي

» الحج المبرور ,,,
الإثنين سبتمبر 23, 2013 11:30 pm من طرف الظالم والمظلوم

التبادل الاعلاني
احداث منتدى مجاني

انجازات ابو اسماعيل

اذهب الى الأسفل

انجازات ابو اسماعيل

مُساهمة من طرف اسلامى هو عنوانى في الجمعة مارس 30, 2012 9:00 am

صديقى رامى اشكرك على تعليقك وحرصك على البلاد لكن دعنا نتفق ان مصر مش محتاجه واحد بنالى مبنى ولا ليه علاقه مع الغرب كويسه علشان يحمى البلد مصر محتاجه واحد عنده كرامه يقدر يحرك الناس ويعيشهم احرار هعطى لك مثال مدير تحت ايده موظفيين مش عايزين يشتغلو وفيهم واحد بيشتغل ايه اللى هيحصل هيحط الشغل كله على الواحد ومش هيقوم الباقين هيسبهم وهذا حال بلدنا لكن عايزين مدير يقدر يقوم الموظفين الباقين ويجعلهم كلهم يشتغلو ويتحركو والميزه دى ولو حضرتك متابع جيد لابو اسماعيل موجوده فيه الموضوع مش موضوع ذقن ولا ابوه مع انى ليه تحفظ لان التربيه والدين مهمين جدا ومشكلة بلدنا الحاجتين دول عدم وجود تربيه جيده وقلة الدين اما بخصوص الانجازات فمش شرط يكون ليه انجازات عامه لان حضرتك اعلم واحد ان النظام الفاسد بيعمل ايه بالكفاءات كان بيهتم بالمصلحه مش بالكفاءه اما بخصوص ابو اسماعيل فالرجل ليه انجازات فى مجال عمله وطبعا لايخفى عليك ان انجازات عن انجازات تفرق يعنى واحد مثلا بنى مبنى وعمل تطويرات ونهب فيها الملايين من دم العباد وانت ادرى واحد بذلك ولو نظرت وتاملات هتعرف وواحد تانى استغل موارد ضئيله وعمل بيها مشروع وبنى مبنى دون ان يتعرض للمال العام يبقى اللى فى منصب وعمل مشروع صغير لو اعطيته الفرصه فى عمل كبير هيعمل ايه
امر اخر مش المطلوب ان يكون الرئيس فاهم اقتصاد وسياسه ومحاسبه بس عايزين رئيس ليه فكره عنده مشروع عايز يحققه يكون واثق من نفسه والراجل قال هذا ان مش شغلتى الاقتصاد او السايسه لاء انا هلجأ لاهل التخصص بمعنى وضرب مثل عايز ارفع سعر الجنيه انا هطرح الموضوع على المتخصصيين وهما بكونهم هيعملو ورشه عمل 24 ساعه ويعطو ليا النتيجه امر اخر هام مهم جداجدا جدا ان يعلم عن الرجل انه غير كاذب ودى اهم حاجه ان يكون راجل صريح وواضح صاحب منهج لايتلون وانت ايضا تعلم من يتلونون ماذا يفعلون ولو حضرتك بحثت وراء الاتهامات اللى قالوها على ابو اسماعيل وسمعت الردود هيبان ليك ان الراجل فاهم ودارس الموضيع كويس بس للاسف سياسه الجهل اللى وضعتها الانظمه الفاسده السابقه ليكون شعب جاهل لايعرف ماذا يمكر له من اعداءه واخيرا اليك بعض الانجازات
1- منذ تخرجه فى الجامعة رفض أن يعمل بالحكومة أو تولى أى مناصب، أو أن يلتحق بالسلك القضائى أو النيابى، حتى لا يتأثر بالديكتاتورية التى كانت سائدة فى منظمات الدولة.
2- أنه ترأس لجنة الفكر القانونى فى نقابة المحامين، وأنه تمكن فى فترة زمنية قليلة، أن يحدث فى نقابة المحامين 6 مشروعات لم تكن من قبل فى النقابة من قبل، ودون الاستعانة بأى أموال من ميزانية النقابة.
3-أنه شارك فى المجالس العرفية، " مجالس العرب"، قائلا: " أعترف أننى تعلمت فى هذه الجلسات إنجازات اجتماعية كبيرة من أشخاص أميين لا يقرأون ولا يكتبون، وعرفت من خلالها أعماق الشعب المصرى بمختلف طوائفه". (واعتبر انا هذا امر هام جدا).
4- أن الممارسة السياسية ليست هى التى يسمح بها الحكم الطاغوتى وإنما من الممكن أن تمارس فى الشارع، مضيفا أنه كان يمارس السياسة أثناء دراسته بالجامعة وكان فى المرتبة الثانية لمتابعة العمل السياسى باعتباره نائب المسئول عن العمل الطلابى قبل أحداث 81، مثل أوباما الذى كان محاميا ويمارس العمل السياسى الشعبى فى الشارع ولم يكن عضوا بمجلس الشيوخ الأمريكى إلا قبل ترشحه للرئاسة بعام ونصف العام وهو أمر متحقق فيه الآن على حد قول
5-أنه ترشح لعضوية مجلس الشعب عام 1995 و2005 أى قبل ترشحه للرئاسة بأعوام وفاز بهما قضائيا، وكان نائبا لرئيس اللجنة السياسية بنقابة المحامين، وعضو مجلس نقابة المحامين المصرية ضمن "لجنة الشريعة" الممثلة للإخوان المسلمين فى النقابة، وله مرافعات فى قضايا شهيرة منها المحاكمات العسكرية للإخوان المسلمين، فضلا عن تخصصه فى قضايا النقض .
وانبه اخيرا مش موضوع شعارات والله ولا ذقن ولا حاجه بس موضوع منهج اداره وضوح الراجل مش بيتلون علشان يكب يمين وشمال لاء الراجل منهجه واضح وصريح لايرضى احدا على حساب دينه ووالله انها لعظيمه
واخيرا رامى اشكرك على اهتمامك بحال البلاد




اسلامى هو عنوانى

عدد المساهمات : 42
نقاط : 104
تاريخ التسجيل : 06/09/2011
العمر : 34

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: انجازات ابو اسماعيل

مُساهمة من طرف Ramy في السبت مارس 31, 2012 12:42 am

اولا : اسمحلى ان اسألك لماذا لم ترد على المواضيع السابق الحوار بها وتذهب بالرد لانشاء موضوع جديد ؟؟ ما الهدف من ذلك ؟؟ هل الهدف فعلا هو لفت الانظار و الاعلان وعمل شوو اعلامى ؟؟ اتمنى الايكون ذلك حقا هو الهدف من الاكثار فى المواضيع . لان ذلك سيكون الدليل القوى عن ضعف الحجة و البرهان ؟؟؟
ثانيا : احب ان اشير الى ما كتبت حضرتك اعلاه :
--محدش من المرشحين الاخرين بنى مبنى اوقيل ان علاقته كويسة مع الغرب .. وجميعهم بلا شك عندهم كرامة .. ومنهم من قادوا فرق عمل فى مؤسسات ضخمة جدا بمنتهى الكفاءة و النجاح والعالة و يشهد لهم التاريخ والشعب على ذلك .: ولم تستشهد بالمؤسسات التى قادها ابو اسماعيل او تذكرها ؟؟ --
- - اما موضوع التربيه و الدين فلم نرى او نسمع ان الاخرين بينهم من هو ناقص فى التربيه والدين -- ثم كيف ترى انه لا يجب ان يكون شرط ان يكون له انجازات عامة ؟؟؟ اعلم انك تختار رئيس دولة مش .... ومحدش من المرشحين الاخرين بنى مبنى ونهب منه ولا سرق . بالرغم من توافر الظروف و الوسط الفاسد الذى كان يدفع الى ذلك . والشعب و التاريخ يشهد لهم بذك .... وكيف تقول انه مش مطلوب ان الرئيس يكون فاهم اقتصاد وسياسة ؟ ارجوا ان تصحح مفاهيمك ... و ليس بين المرشحين الاخرين من هو كذاب او يتلون ... ولا اعلم كيف تسمح لنفسك بان تصف الشعب بالجهلة ؟؟؟؟ لا اسمح لك بذلك و يجب الاعتزار الشديد . و لعلهم يقبلوه ؟؟؟؟؟؟ اما ما ذكرته من انجازات فانها بالكاد تصلح لمرشح للمجلس المحلى ؟؟؟

ثالثا : اعيد عليك ما سبق وكتبته اليك . ارجوا ان تقراءه وتعيه جيداا ؟؟؟؟
___________________________
عزيزى : حقا اسلامنا هو عنوانا كلنا .. فعلا اسلامنا لازم يكون هو الاصل فى عملنا و بالتالى عملنا يكون هو عنوانا . بس مش عارف ليه مش بنتقن عملنا ؟؟ وحالنا باى اسوء حال فى كل الدنيا ؟؟ بس احنا مش فالحين الا فى الكلام الحلو وبس . نقول كلام ونقول كلام . و نرجع نقول كلام احلا من الكلام . وكله كلام . كلام بيترص ويترص ويترص .. والفعل مفيش . واتقان االعمل مفيش . رغم اننا احنا الى اتقال لنا ان الله يحب احدكم اذا عمل عملا ان يتقنه ... فمن منا يتقن عمله . السنا فى امس الحاجة الى اتقان العمل . لاكن محدش مننا بيتقن عملة واصبح حالنا اسوء حال فى كل الدنيا ؟؟؟؟؟؟ ولا انا كداب ؟

عمالين نرص كلام كلام احلام احلام عن ابواسماعيل . ومحدش بيقول مين ابوسماعيل ؟؟ عمل ايه ابو اسماعيل ؟؟؟ ايه تاريخه ؟؟ ايه الاعمال الحقيقية و الانجازات السابق القيام بها لابو اسماعيل ؟؟؟ هو عشان اسمه حازم هيكون حازم ؟؟ولا علشان ابوه كان وكان . هو هيكون ويكون ؟؟ ولا الذقن و الوجه البيض الصبوح الجميل هى الدليل عن العدالة و المساواه و الرغض و النعيم الى جاى على ايدية ؟؟؟ مش عارف هنفضل لامتى بتوع كلام ؟؟ ياريت نكلم بالافعال الحقيقية السابقة لكل مرشح ونقول كل واحد عمل . عمل مش ها يعمل ايه وايه ؟؟ وبعدين نحلل ونقارن بين الانجازات السابقه الفعلية لكل المرشحين ذى ما بنعمل فى كشف التفريغ فى المناقصات و نقارن بين الانجازات والافعال السابق مش الاحلام و التوقعات ؟؟وايه مدى التقارب بين افضل هذه الانجازات وما نحتاجة نحن كشعب وكا بلد مصر من هذا المرشح ؟؟ ومين فيهم الاقرب و الاقدر على تحقيق امالنا واهدافنا فى تحقيق الرفعة و التقدم والرقى و الامان و العدالة و المساواة والكثير و الكثير لمصر مش لفئة بعينها من الشعب دون الاخذ فى الاعتبار باقى الفئات من الشعب ؟؟ مصر هى الهدف وتستحق منا ذلك . وبعدين ندرس ونبت بين هذه الانجازات ونرسى على الاقدر و الاحق بغض النظر عن الاسم والشكل و اللون و الحسب و النسب ؟؟؟ الموضع اختيار رئيس مش عضو فى مجلس الشعب او الشورا او فى المحليات ؟ الموضوع كبير. كبير و مهم وخطير ؟

ارجوا تحرى الدقة و الامانه فى العرض لان مصر مش ناقصة وماتستاهلش مننا اننا نبهدله وندمرها اكثر من كدة . مصر املنا و امل اولادنا كلنا . وهى الى لو اترفعت هتترفع معاها رأوسنا و رأوس اولادنا كلنا ....

Ramy

عدد المساهمات : 308
نقاط : 380
تاريخ التسجيل : 07/03/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: انجازات ابو اسماعيل

مُساهمة من طرف اسلامى هو عنوانى في السبت مارس 31, 2012 5:53 am

عزيزى رامى اولا اشكرك وبصدر رحب على كلامتك الاتى:-
ولا : اسمحلى ان اسألك لماذا لم ترد على المواضيع السابق الحوار بها وتذهب بالرد لانشاء موضوع جديد ؟؟ ما الهدف من ذلك ؟؟ هل الهدف فعلا هو لفت الانظار و الاعلان وعمل شوو اعلامى ؟؟ اتمنى الايكون ذلك حقا هو الهدف من الاكثار فى المواضيع . لان ذلك سيكون الدليل القوى عن ضعف الحجة و البرهان ؟؟؟
اولا انا اجبت على موضوعاتككلها فى الموضوع ده ومكتبتوش لوحده علشان شو اعلامى ولا اكثار من موضيع بالعكس انت علقت على المواضيع اللى كتبتها كلها ومرضيتش اعلق على كل موضوع على حده علشان مشتش الافكار فجمعتها كلها فى موضوع واحد
ثانيا :- انا لا اذكر لك عيوب المرشحين الاخرين لاننى ادعم ابو اسماعيل انما اشرت بعض الاشارات وعليك انت ان تتحرى عن كل واحد منهم ولايحق لى ان انتقضهم لان لو تكلمت عن عيوب كل منهم ستتهمنى بعدم الحياديه والتحيز.
ثالثا :كلامى عن التربيه والدين فانا علقت على كلامك (ولا علشان ابوه كان وكان . هو هيكون ويكون ؟؟ ولا الذقن و الوجه البيض الصبوح الجميل ) فانا تحدثت عن من ادعمه وعرض صفه فيه وهذا لايمنع انها موجوده فى الاخرين بس خليك معايه انه بيختلف من شخص الى شخص يعنى التربيه والدين درجات .
وبخصوص المؤسسات فهو لم يكن وزير سابق ولا رئيس مؤسسه انما كلها اعمال عامه وهذا لايقلل منه.
اما بخصوص كلامى فاهم اقتصاد وسياسه ؟انا اقصد العلم التخصصى بمعنى رجل عنده رؤيه عايز مثلا ارتقى بالدوله هاجيب متخصصين فى الاقتصاد مؤتمنين وليسو اصدقاء فلان ولافلان قريب فلان لاء هجيب مجموعه متخصصيين اقترح عليهم فكره معينه وهما اللى يقولوى هعملها ازاى مش اجيب واحد يعملى فكره دلوقتى وتفشل اجى بعد كده اعمل فكره تانى وده مثال وهى وجهة نظر تختلف من شخص وشخص يعنى حضرتك شايف وهذا لايمنع ان حازم عنده فكر اقتصادى وعنده سياسه لم نشهدا فى غيره سياسه لاتحتوى على الكذب لان السياسه هى ان تحافظ على منصبك بمعنى واسمح لى ان اضرب لك مثل عام الدكتور الجنزورى على الرغم من خبرته وعلمه الذى لانقلل منه عندما تولى رئيس وزراء راح واخد قرار انشاء وزاره للشهداء انا وجهة نظرى الضعيفه جدا وعدم خبرتى ارى هذا القرار خاطأ قولى ايه موارد الوزاره وهتجيب فلوس منين وهتصرف ازاى وهتجيب مرتبات العاملين منين وكام عمر تلك الوزاره وعلى فكره لحد دلوقتى المصابين لم يصرفو شى فهذا قرار سياسى اخذوه فى ظل كلامهم انه مفيس فلوس والبلاد بتخرب بس سكت الناس علشان يسقفولك ويروحو بيوتهم مع انى ببساطه جدا كان ممكن يعمل ايه ياعم ياللى ماتلك ناس جراء الظلم انا هفتحلك مشروع سوبر ماركت ولا حاجه انا بقول مثلا ويجر عليك دخل باستمرار ومش هتبقى محتاج لحد بجانب مبلغ من المال وهى الديه بجانب (المحاكمه العادله وهى الاساس ) وده بقى اسمه الاصلاح انى اخذت قرار اولا رضيت الناس بيه حليت مشكله بدل مياخدو فلوس يسرفوها لاء انا فتحتلكم مشروعات هتشغلكم وهتجبلكم فلوس وحكمت على اللى قتل اولادكم عرفت بقى الفرق بين السياسه والاصلاح علشان كده انا عايز مصلح مش عايز سياسى
اما بخصوص المرشحين منهم من يتلون او كاذب ياسيدى كلهم افاضل متزعلش منى ده رايك يحترم بس عيد نظره كده وشوف الفرق بين المصلح والسياسى تانى السياسى بيحافظ على كرسيه ومش مشكله مصالح عامه يعنى مثلا الناس عايزين ايه موالد ودروشه خليهم ياعم يعملو موالد ويدروشو واروح احضر معاهم كمان المولد علشان اخد اصوتهم اما المصلح يقولك ايه الموالد والدروشه لايعودون بالنفع فيامر العلماء مؤسسة الازهر علمو الناس ويلهيهم بعمل اخر يجر نفع عليهم شوفت الفرق بقى التلون انه يشوف ده عايز ايه ويعملو اللى يجاوب اجابه ترضى الطرفين فيه قصه هحكيها بعد اذنك فى موضوع منفصل ابقى اقراءها
بخصوص بقى وصفى للشعب بالجهل انا مصم على كلامى لانى الجهل هو عدم درايتك بالشئ وكلامى عن جهل المعرفه بما يمكر لك اعداءك وانت تناقد نفسك فانت قولت(الله يحب احدكم اذا عمل عملا ان يتقنه ... فمن منا يتقن عمله . السنا فى امس الحاجة الى اتقان العمل . لاكن محدش مننا بيتقن عملة واصبح حالنا اسوء حال فى كل الدنيا ؟؟؟؟؟؟) اليس عدم عرفتك بان الله يحب اذا عمل احدكم عملا ان يتقنه هذا جهل عدم اتقان العمل ناتج عن اى الجهل اهو ياعم بقبض وخلاص اللى يتشغل زى اللى ميشتغلش كلها محصله بعضها مش ده جهل بان الله يحب اذا عمل احدكم عمل ان يتقنه حسبها بمقايس ليس دنيا ولا دين لان الدنيا تقولك اتقن عملك علشان تترقى وتثت نفسك والدين يقولك اتقن عملك يحبك الله يبقى هو قسها ازاى ؟؟؟؟؟ انا سميته جهل حضرتك شوفلو مسمى تانى وقولهولى ممكن اغير فكرى بخصوص بقى انك مش بتتقن عملك انت تتحدث عن نفسك انا الحمد لله ربنا رزقنى اتقان العمل وبشهادة زملائى الحمد لله.
اما ماذكرته تصلح لرئيس محلى بالكاد فها وجهة نظر حضرتك بس لو الرئيس المحلى اشتغل كده ورئيس الدوله بيتبع سياسه اخرى تعارضو مع بعض يبقى مش هيصلح اصلا ولا حتى موظف.
بخصوص الاعاده والله قراءات كلامك ووعيته وذكرت لك ما فى حازم وليس عنده اكثر من ذلك فانت وشائك
بخصوص الشعارات اسمح لى انت ياما هريتنا شعارات عملت ايه كله شعارات شعارات انت حتى مستخبى ورا اسم مش عارف تقول رايك بصراحه هل يمنع ذلك انك غير مصلح ولا بتاع شعارات بس والله شعاراتك جيده واعلم انك لو مكنت من منصب هتعمل كويس اوى بس الفرصه تجيلك صح ولا كلامى غلط
اخيرا اا ماعندى قولته وليس عندى اكثر مما قولت فسامحنى بعد ذلك لو التعليقات حسيت انه هيبقى الرد عليها غير مجدى مش علق عليها لكى لايكون كلام بيترص وخلاص ولو مش عايزنى اكتب على المنتدى خلاص قولو وانا مش هكتب تانى ياعم ولا تزعل

اسلامى هو عنوانى

عدد المساهمات : 42
نقاط : 104
تاريخ التسجيل : 06/09/2011
العمر : 34

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: انجازات ابو اسماعيل

مُساهمة من طرف هادى توفيق في السبت مارس 31, 2012 6:06 pm

تعريف بالشيخ حازم
سياسي مصري مستقل
, - إسلامي- و رجل قانون و متحدث في الفكر الإسلامي و الشؤون السياسية و
الإسلامية و العامة , و له دراسات دستورية و قانونية مستفيضة , كما أن له
دراسات و أبحاث تخصصية وفيرة في ثلاثة علوم هي التربية و الإدارة و
الاقتصاد لمدة 25 سنة فضلا عن العلوم الشرعية على نحو تخصصي كامل .




و هو محام بارز, - بالنقض- صاحب مكتب معروف
للمحاماة بوسط القاهرة ,له مرافعات في قضايا شهيرة منها أيضا العديد من
القضايا السياسية الهامة فضلا عن تخصصه في قضايا النقض بصفة أخص و له مؤلف
قانوني في أصول الدفاع في القضايا و طعون دستورية متعددة قضي بها .

هادى توفيق

عدد المساهمات : 50
نقاط : 34
تاريخ التسجيل : 01/05/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: انجازات ابو اسماعيل

مُساهمة من طرف اسلامى هو عنوانى في السبت مارس 31, 2012 6:10 pm

تااه ينور عليك ياستاذ هادى بس هيقولك ده لايصلح رئيس حى

اسلامى هو عنوانى

عدد المساهمات : 42
نقاط : 104
تاريخ التسجيل : 06/09/2011
العمر : 34

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: انجازات ابو اسماعيل

مُساهمة من طرف Ramy في السبت مارس 31, 2012 11:26 pm

خالص شكرى و تحياتى للزميل اسلامى و الزميل العزيز هادى على المشاركة فى الحوار الممتع ...

كما احب ان احيطكم علما باننى قراءت الكثير عن الاستاذ حازم ابو اسماعيل ..ولست ضدة . هذا اولا ..

وما زلت اقراء عن باقى المرشحين . و اجمع عنهم كل البيانات و المعلومات فى شتى المجالات . اى اننى ومثلى كثير من الشعب المصرى فى مرحلة البحث و الدراسة وتجميع البيانات و باتقان . لان الامر جلل ويستحق منا الدراسة الدقيقة و الواعية . ان مستقبل مصر و ابنائنا وما وصلنا اليه بعد الثورة يستحق منا جميعا عمل ذلك ...بل يستحق منا اكثر من ذلك . .

واتمنى الا نقف خلف احدهم لمجرد طائفة او عرق اونسب او بلديات او اى سبب من الاسباب الواهية الزائلة و قبل ان نعرف الكثير عنه و عن الاخرين و من مصادر موثوقه و مؤكدة .. حتى يكون القرار عادل و صائب .. هذا ما اقصدة من كلامى من اجل مصرنا الغالية الحبيبه الى قلوبنا جميعا ...

واخيرا انهى كلامى قبل ان يصل الى الدرجة التى لا ترقى الى ان يرد عليا الزميل اسلامى . وله منى كل الاحترام والتقدير

Ramy

عدد المساهمات : 308
نقاط : 380
تاريخ التسجيل : 07/03/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: انجازات ابو اسماعيل

مُساهمة من طرف اسلامى هو عنوانى في الأحد أبريل 01, 2012 5:18 am

اشكرك يا اخ رامى واعلم انه والله لم نختار حازم الا لله ليس لاه منور ولا ينتمى لحزب ولا لشئ الا انه لله انظر ماذا قال عنه احد الشيوخ
منذ عدة ايام ذكر لى احد اصدقائي المقربين للشيخ يعقوب
انه عندما سئل عن عدم اعلان دعم حزبي الحريه والعداله و النور
للشيخ حازم حتى الان
بعد ان استنكر موقف الحزبين فقال فيما معناه :
بتوع العداله وبتوع النور
عايزين واحد يضمنوا انه لا يخالفهم ويسمع كلامهم ويقول أمين
وده مش موجود فى الشيخ حازم لانه راجل له شخصيه
وله قرارات ورؤيه منفصله رئيس فعلا بجد
اليس هذا الرئيس الذى يستحق ان نقف جانبه قرارته ليست انفعاليه بل حاسمه رجل فعلا قوى امين فى كلامه يحترم مخالفيه تعجبت لما سمعت ان الاستاذ حازم لم ينزعج من ترشح خيرت الشاطر واتسال ما هذه القوه واحد غيره كان خاف ولاهاجم الجماعه والله لم يفعل بل هى قوه واصرار على النجاح وعزيمه وهذا ما نحتاجه رئيس عنده رؤيه عنده عزيمه عنده مكابده لتحقيق هدفه مش رئيس يقولوله يمين يمين شمال شمال يساق

اسلامى هو عنوانى

عدد المساهمات : 42
نقاط : 104
تاريخ التسجيل : 06/09/2011
العمر : 34

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى