يا مهندس علاء نهاية اخطائك قربت

من طرف شيبوب الأربعاء سبتمبر 14, 2011 1:19 pm

يا باشمهندس يا دكتور يا استاذ يا سيادتة رئيس مجلس الادارة المبجل
ارحمنا بقى من مدير عام مساعد مــعـــصـــوم من الخطا و لوكن يهوى عزاب الناس
من ساعة ما اترقى و اتثبت و هو رجع تانى يضرب بالمداس
منوفى والمنايفة ضربوا بيهم المثل و لكن صحيح العرق دساس
ولا هو علشا بلدياتك يا ريس تخلية يقرفنا بعدم الاحساس
كفاية بقى ارجمونا دة الكيل طفح و الموضوع بقى حساس

يا رئيس مجلس الادارة
الراجل واخد عربية الشركة لحسابة من النقل اللى هو تبع الخدمات العامة اللى هى مديرها نسيبة اللى هو اصلا اللى حاطة فى المكان دة و ممشيها لمصالحة
يروح يجامل ابراهيم سلطان فى اسكندرية بعربية الشركة و يرجع الساعة 6.15 ص مش حرام و النبى و لا دة مش مال عام بردة
و كمان تانى يوم ما يجييش بدومن اجازة او اذن من مدير المنطقة و لا هو مش موظف فى الشركة زينا لية حقوق و علية واجبات
و كمان السواق اللى كان معاة يرجع ينام و ما يشتغلش طول اليوم يا عينى من التعب و اليوم محسوبله كانه بينطحن زى باقى السواقين
و اللى زاد و غطى ادى اكفأ اتنين من رجالة التشغيل بتوع النقل كتبوا طلبات نقل و مش عاوزين يشتغلوا معاة ( حمد و يوسف اوكااا)) من عمايلة و اسلوبه المتعجرف و عدم فهمة للامور
و ابقوا شوفوا سلفة التراخيص اللى منهوبة و اللعب فيها على كبير هى و بونات البنزين اللى بتتفول فى العربية الفيتارا و التويونا بتوع مدير الادارة بدل من عربيات الشركة
و كمان ابقوا اظهروا نتيجة التحقيقات اللى تمت كفاية بقى تعريض و لموها شوية حرام البلد كانت ماشية يالتعريض و دلوقتى فى ثورة
خلوة يجامل الحبايب فى الطبية و التحقيقات الوهمية تعدى و لا اى قلق و كمان تكافؤة و ترقوة
حقة يعمل اكثر من كدة اذا كان الكبار موافقين و مساكتين و متراضين و لا واكلين الله اعلم حسبنا الله و نعم الوكيل
و انت يا باشمهندس محمد يا مدير المنطقة سيبك من الدل و المحاباة و المهندسات المقيمات عندك و شوف منطقتك بقى و لا صحيح لو كان المهندس التانى بتاع الص..... اللى مسك كان ظبتها بجد

و انا معاك فى كل اللى قلتة و على فكرة انا فى السويس و كل الكلام دة مظبوط بس بصراحة موضوع البنزين ده و السلفه ما اعرفش عنه حاجة ولكن مدير الخدمات العامة حوالية كلام كتير و بيقولوا انه بيعين بفلوس فى شركة اسمها شاندى للبترول او احاجة كدة و كلام تانى انه عليه قضايا نصب و شيكات و وكلام من دة بس كل ده برة الشركة انما جوة بصراحة ما شفناش منه حاجة غير شوية حاجات صغيرة و هايفه
وبعدين انا ليا تحفظ على جزء من كلامك مش كل المنايفه يا سيدى الفاضل زى ما انت وصفتهم لانهم جزء من البلد و اكيد البلد كلها مش كويسه و اى مكان فى ناس كويسين و ناس مش كويسين

من طرف شيبوب الأربعاء سبتمبر 14, 2011 7:46 pm

طب با عم المنوفى ما تزعلش اوى كدة على بلدياتك بس بزمتك دة يرضى ربنا
و بعدين الاخ بتاع الخدمات العامه اللى انت بتدافع عنه دة بلاوية مغرقة الشركة و لو ما تعرفش ابقى اسال عمال المقاول او حتى اسال عصام بتاع محطة ....... او حسين عطا ا..........وانت تعرف
و عموما الموضوع دة مش مجرد كلام و بس و لكن فى ورق و مستندات اتجمعت و باذن الله ربنا يقدرنا و نوجها فى المكان المطلوب و زى ما تيجى تيجى حتى لو الاصلاح حيبيقى بانهم يجيبولنا رئيس مجلس ادارة اجنبى اهو على الاقل مش حيفهم الحركات اللى بتحصل دلوقتى دى

من طرف Ramy الخميس سبتمبر 15, 2011 12:14 am

عزيزى شيبوب و الحقانى تقبلوا تحياتى

بالرغم من اننى اتمنى نهاية الاخطاء اليوم قبل بكرة ... ولاكن كل ما قلته يا عزيزى ليست اخطاء المهندس علاء .. ولاكنها لو كانت فعلا صحيحة فهى اخطاء داخل المنطقة ومسئول عنها مدير المنطقة و تضاف الى سجل اخطاء مدير المنطقة السابق ذكرها على المنتدى و التى تم ومازال لجارى التحقيق فى بعضها حتى الان

وهذه الاخطاء هى نتيجة لعدم الاهتمام و المتابعة الجيدة من مدير المنطقة لجميع الادارات تحت قيادته .. و التى تمس سمعة المنطقة وجميع العاملين بها و التى هو مديرها و بالتالى تمس سمعته ايضا . بالرغم من انه معروف عنه النزاهة والشرف و الاحترام ونشهد جميعا له بذلك ....

.. ولاكن عدم المتابعة و الرقابة و الاشراف الجيد يؤدى الى تفشى الفساد و بالتالى يعد سبب و مشاركة فى الفساد و لذا يجب على مدير المنطقة وكذلك جميع مديرى المناطق الانتباه الى ذلك الامر و المتابعة و الاشراف الجيد على كافة الادارات التابعة له .. حتى يتحقق العدل و المساواه بين العاملين و الحفاظ على المال العام ...

من طرف شيبوب الخميس سبتمبر 15, 2011 5:28 pm

يا استاذ رامى 90% من كلامك صح و لكن انا مش معاك ان المهندس علاء مش مشترك فى المسؤلية و ليس افتراء علية و لكن هو رب البيت و لو الصف التانى يعلم انه لا يسكت على الخطا لما كررة و او اقترفه من البدايه
و ثانيا يا ايتاذ رامى الشخص اللى بنتكلم عنه ده ليه سوابق و لسه ما انتهتش و التحقيق فيها شغال و كمان حوالية اكثر من علامة استفهام و من يوم ما اتحط فى المكان دة و هو بيستغله استغلال سىء و اللى كان فهمة كان المهندس صابر الله يديله الصحه و لكن القنيشى كان مانعه عنه نظرا لتقرب هذا الشخص من القنيشى و من اى قياده طبعا زى ما كلنا عارفين
ولو مش مصدق اسال و انت تسمع و كمان المفروض ان المهندس علاء عارفه كويس لانه اول ما جه نقله الى اكثر من مكان و بعده عن المكان الحساس ده و لكن للاسف طبعا كان هو اتقرب من المهندس محمد فتحى حبيب المهندس علاء و اصبح له حمايه عليا و رجع تانى يسعى فى المنطقه فسادا
اما الاخ التانى بتاع الخدمات العامه ده قصه كبيرة و اللى شغالين معاه كلهم يتمنوا رجوع احمد عبد الرحمن على الرغم من ضعفه اداريا و جهله بمعظم الامور فى العمل الا انه كان امين و ايده نضيفه و خواف و الخواف ده بيحسب اكثر من مره قبل ما يغلط اى غلطه علما انه كان سائق القنيشى الخاص و ده مش مكانه اصلا

من طرف **ادم** الإثنين سبتمبر 19, 2011 9:11 pm

أعتقد ان الجميع يعلم سبب هذا الهجوم ؟

إنه بعد قرار التثبيت للزميل عصام عزب ,, واعتقد ان هناك من يعرف ومتاكد من اسباب كتابة هذا المقال والهجوم ,, والجميع يعلم من هو المهندس محمد السيد ومن هو الاستاذ عصام عزب .

من طرف Ramy الإثنين سبتمبر 19, 2011 11:18 pm

الاخ العزيز شيبوب ..

بعد التحيه ..

نرجوا منك جميعا ذكر ما تعرفة من اخطاء سواء على الخدمات العامة او على اى حد بالمنطقة . كما حدث من قبل و عرضتم الاخطاء السابقة و التى بعضها قيد التحقيق حتى الان ... وسيقوم المهندس علاء بتحويلها الى القانونية ايضا كما فعل من قبل .. ويجب الا تسكت على هذا الفساد . لان الساكت عن الحق شيطان اخرص ...

كما اتمنى ان نتعاهد جميعا بالا نسمح بفساد او الظلم بيننا . لرفعة شركتنا و نشر العدل بها

من طرف شيبوب الثلاثاء سبتمبر 20, 2011 10:42 pm

شوف يا أ- ادم كل شهر فى ناس بتتثبت و تترقى اشمعنا دة اللى بناهجمة لما اترقى ؟؟؟
و كمان اشمعنا هو اللى اتنقل مسطرد ( معــــــــــــــــــــــــــــــاقــــــــــــــــب ) ؟
و كمان عجرووووووووووووووووووود
و لسة واخد 25% خصم حافز هو و نسيبة
و مشاكلة بتاعة مصيف السادات
و كمان تحقيقات شغالة معاة فى كل الاتجاهات من ايام المهندس صابر الله يكرمة
و علية كلام من كل النواحى مالى و ادارى
كل دة علشان هو كويس و الناس ظالمين يا اخى دا اللى قبلنا قالوها ما فيش طق الا من حق ما هو كان قبله المرحوم ابراهيم صالح و عمرنا ما سمعنا حد جاب سيرتة و قبلة عصام حنفى و قبله عبد الودود و قبله مصطفى خضر و كلهم عمرهم ما حصل معاهم ربع اللى حصل معاة
و ردك يدل على حاجة من 3 حاجات اما انك تبع شلة القديمة بنبن او انك ليك معاة منافع و مصالح و بتدافع و خلاص او انك كنت فى البيت لما كنا احنا فى التحرير و شهدائنا ماتوا علشان بنضفوا البلد لينا و لولادنا
و عموما المستندا خير دليل مش كدة بردة شوف و رد
[ندعوك للتسجيل في المنتدى أو التعريف بنفسك لمعاينة هذا الرابط]429

من طرف الشناوى الثلاثاء سبتمبر 20, 2011 11:41 pm

فكرتنى بايام زمن جميل ماضى ,,,

زمن انتهى فى كل المجالات حتى الكورة والفن ,

واعتقد بعد نشر المستندات فعلى المسئولين البحث ,,,,,

على فكرة انت كنت فعلا فى التحرير ,,, الصورة بتقول انك كنت فى الصومال ,,,

من طرف على ابو سيف الأربعاء سبتمبر 21, 2011 8:55 am

خلصت فيك كل الكلام
يا شيبوب يا مظبط و قاطع اللسان
خليت الكل يلم اللجام
و طلعت انت الاستاذ و البافى نداغين لبان

يا مهندس علاء نهاية اخطائك قربت

يا مهندس علاء نهاية اخطائك قربت

رد: يا مهندس علاء نهاية اخطائك قربت

رد: يا مهندس علاء نهاية اخطائك قربت

رد: يا مهندس علاء نهاية اخطائك قربت

رد: يا مهندس علاء نهاية اخطائك قربت

رد: يا مهندس علاء نهاية اخطائك قربت

رد: يا مهندس علاء نهاية اخطائك قربت

رد: يا مهندس علاء نهاية اخطائك قربت

رد: يا مهندس علاء نهاية اخطائك قربت

رد: يا مهندس علاء نهاية اخطائك قربت