مصراوى وهفضل مصراوى وخالص الشكر لصديقى نعم للاضراب من اجل ؟؟؟؟

من طرف مصراوى الثلاثاء أبريل 24, 2012 10:32 pm

اقسم
بالله انى اقولها وليس بمفردى ولكن هناك اكثر من 150 عامل من العاملين بمنطقة الدلتا وانا اتشرف ان اكون منهم باننا لا نهتم
بزيادة النقود او المرتب او اى زيادات ولكن هناك اشياء
اخرى تركتموها لقد قامت لجنة الدفاع للمطالبة ليس بمطالب فئوية ولكن لمطالب
لمصلحة العمل والشركة والعاملين ولكنى اقولها هل انهينى كل شيئ لدينا ؟؟
وفعلنا كل ما علينه ان نفعله ؟؟ وكل مننا قام بواجبه
وعمله والتزم بكل الواجبات والمهام المكلف بها لعمله ؟ هل انتهى العاملين بالورادى والنهار من اللعب على الاجهزة ولعب دمنه
و بلاستيشن و مشاهدة الافلام وسماع الاغانى والتحدث فى الموبيلات والجلوس
فى غير اماكن العمل والتحدث والضحك بالاصوات العالية ؟؟؟؟ هل كل من راعى
وراجع نفسه فى بدل الحضانة والماموريات والتصاريح والحضور والانصراف والمرضى ؟؟؟

لقد
كتبت هذ الكلام من عميق قلبى ومن الجرح الذى الم بى من جراء ان يقول ان
هناك اضراب لزيادة المرتب او او او .

زملائى
العاملين فى الشركة ان القلب ليحزن وان
العين لتدمع مما اراه ومما اسمعه
" ان الله لا يغير ما بقوما حتى يغيروا
ما بانفسهم"

"
ارحموا من فى الارض يرحمكم من فى السماء "

[ندعوك للتسجيل في المنتدى أو التعريف بنفسك لمعاينة هذه الصورة] ولكن نعم للاضراب
لهذه المطالب

· ليه
جواسيس الأمن فى كل مكان.

· ليه
التعيين بالواسطة والكوسة وخاصة فى الحريم

· ليه
طلبات سكرترية رئيس مجلس الاداره اوامر و ممكن الشركة تقف لو اتأخرت.

· ليه
نقول نعم للاضراب ليس من أجل إيقاف عجلة الأنتاج لكن من أجل استرداد
حقوقناوكرامتنا فى شركتنا

· ليه
مش كل موظف له الحق فى تعيين ابنه بكرامه بدون ذل.

· ليه
الناس بتخاف من الأمن أومن رئيس مجلس الاداره طالما عندهم حق.

· ليه
أبناء وأصدقاء وأقارب المديريين العموم يتعينوا على طول.

· ليه
مصاريف رئيس مجلس الإداره لا يوجد رقابة عليها.

· ليه
المناقصات والمزادات بتكون معروفه للناس معينه بالاسم على حسب مزاج المهمات.

· ليه
لما تدخل الاداريه تحس ان أنت بتكلم أعداء مش زملاء.

· ليه
الأمن بيفكر فى التجسس على العاملين فقط.

· ليه
لحد الان مبنى التدريب فيه مشاكل.

· ليه
منطقة التبين معتقل على الرغم من انها اكبر منطقة بتدخل مكاسب للشركة.

· ليه
كل الناس فى الاداره المالية قاعده والاستاذ بتاع الكويت هو شغال لوحده.

· ليه
كل بنات البوفيه كانت شغاله فى دور رئيس مجلس الاداره تعيين فى ابيسكو ......؟؟؟؟؟!!!!!!!

· ليه
منطقة القاهرة شكلها كده على الرغم من وجودها فى نفس مكان المركزية.

· ليه
القانونية أسهل شىء عندها الوقف عن العمل وشكل الموظف ايه مش مهم.

· ليه
كل التكييفات دى على الرغم ان لو فى تكييف واحد مركزى يوفر كتير للشركة وشكله أحسن
بدل مالصرف الصحى ماشى على وجه المبنى.

· ليه
كل دى مصاريف على مبنى الطبيه الجديد رغم كل حاجة كانت عندنا.

· ليه
مفيش صيدالية فى منطقة الدلتا مع ان فى قرار بالصيدالية

· ليه
مفيش تعاقد مع مستشفيات محترمة فى مناطق مختلفة

· ليه
مفيش محاسبة للمقصرين فى جميع الادارت وكل القطاعات وكل المديريون العموم

· ليه
مفيش رقابة على اجتماعات مجلس الادارة الى بتكلف كثر من 25 الف جنيه فى الجلسة

· ليه
اعضاء مجلس الادارة تاخذ 0.05 % من الارباح كل سنه

· ليه
فى فرق بين عامل الوردية والعاملين بالنهار باكثر من 800 جنية ولا نتكلم

· ليه
فى اتوبيسات للمقاول رغم من وجود اتوبيسات فى الشركة كتير.

· ليه
رجالة الصيانة مظلومه وبتشتغل أوقات كتير لحد الكسر ما ينتهى ومفيش بديل لهم على
الرغم من ان احنا شركة كبيره.

· ليه
مفيش ملابس وقاية محترمه للعاملين بالاداره حتى يكون شكل الموظف لائق للشركة.

· ليه
مفيش نظافة فى الاتوبيسات.

· ليه مفيش نظام فعال فى الشركة وأجهزة
الكمبيوتر بها مشاكل لحد الان كل يوم
النظام
مش شغال وأخطر من كده مفيش رقابة على الأجهزه عشان يوفروا 22 جنيه ممكن تحصل مشكلة بمليون جنيه.

· ليه
مفيش وسائل اتصال بدل الموبايل على الرغم من ان احنا أكبر شركة لها أبراج.

· ليه
مفيش حماية لرجال الأمن فى حراسة الخطوط بدل ما كل يوم يضرب نار عليهم .

· ليه
مفيش مهندسين تضع
مواصفات
سليمة عشان المبنى يكون سليم.

· ليه
مفيش تفتيش على الشغل مش حرام المبنى يتعمل له صيانه كل سنة.

· ليه
مفيش رقابه محترمه على الادارات.

· ليه
مفيش تسويه لجميع الناس بالمؤهل بشرط يكون فى نفس مكانه.

· ليه
مفيش رقابة على الخطوط كل يوم تتعرض لسرقة.

· ليه
مفيش ترقيات لتعينات1/3

· ليه مفيش وقايه للعاملين في اداره العمليات
من الادخنه والغازات و السقوط من
فوق
المستودع بسبب حذاء الوقايه غير مطابق للمواصفات أصلا

· ليه
مفيش رقابة على قرض الاسكان وبيتصرف القرض بورق مزور مقابل مبلغ 15 ألف جنيه.

· ليه
مفيش امن صناعى يحافظ علي العاملين بالشركة من المخاطر .